Now loading...
ഹൃതിക് റോഷന്‍, ജൂനിയര്‍ എന്‍ടിആര്‍ എന്നിവരെ കേന്ദ്ര കഥാപാത്രങ്ങളാക്കി യാഷ് രാജ് ഫിലിംസ് ഒരുക്കുന്ന സ്‌പൈ ത്രില്ലര്‍ ചിത്രമാണ് വാര്‍ 2. കിയാര അദ്വാനിയാണ് ചിത്രത്തില്‍ നായികയായി എത്തുന്നത്. ചിത്രം ഓഗസ്റ്റ് 14-ന് തിയേറ്ററുകളില്‍ എത്തും. ഇപ്പോഴിതാ ‘വാര്‍ 2’വിന്റെ ചിത്രീകരണം പൂര്‍ത്തിയാക്കിയതായി തെലുങ്ക് സൂപ്പര്‍താരം ജൂനിയര്‍ എന്‍ടിആര്‍.
ജൂനിയര്‍ എന്‍ടിആര്‍ തന്റെ ഇന്‍സ്റ്റാഗ്രാം സ്റ്റോറിയിലൂടെ ചിത്രീകരണം പൂര്‍ത്തിയാക്കിയ വിവരം ആരാധകരുമായി പങ്കുവെച്ചു. ‘വാര്‍ 2 ചിത്രീകരണം പൂര്‍ത്തിയായി. ഈ ചിത്രത്തില്‍ നിന്ന് ഒരുപാട് കാര്യങ്ങള്‍ പഠിക്കാനായി. ഹൃത്വിക് സാറിനൊപ്പം സെറ്റില്‍ പ്രവര്‍ത്തിക്കുന്നത് എപ്പോഴും ആവേശകരമാണ്. അദ്ദേഹത്തിന്റെ ഊര്‍ജ്ജം ഞാന്‍ എപ്പോഴും ആരാധിക്കുന്നു. ഈ യാത്രയില്‍ അദ്ദേഹത്തില്‍ നിന്ന് ഒരുപാട് പഠിച്ചു’ എന്നാണ് എന്‍ടിആര്‍ കുറിച്ചത്.
സംവിധായകന്‍ അയാന്‍ മുഖര്‍ജിയെയും പ്രശംസിച്ച എന്‍ടിആര്‍ ‘അയാന്‍ അതിശയകരമായ ഒരു അനുഭവം പ്രേക്ഷകര്‍ക്കായി ഒരുക്കിയിരിക്കുന്നു’ എന്നും കൂട്ടിച്ചേര്‍ത്തു. 2019-ല്‍ ഹൃത്വിക് റോഷനും ടൈഗര്‍ ഷ്‌റോഫും അഭിനയിച്ച ‘വാര്‍’ന്റെ വന്‍ വിജയത്തിന് ശേഷം, ഹൃത്വിക് റോഷന്‍ തന്റെ മേജര്‍ കബീര്‍ ധലിവാള്‍ എന്ന കഥാപാത്രത്തെ വീണ്ടും അവതരിപ്പിക്കുകയാണ് വാര്‍ 2വില്‍.
Also Read: ആദിവാസികൾക്കായി മീൻ വലകളും ലൈഫ് ജാക്കറ്റുകളും; മമ്മൂട്ടിയുടെ നേതൃത്വത്തിൽ പദ്ധതിക്ക് തുടക്കം
ജൂനിയര്‍ എന്‍ടിആര്‍ ഈ ചിത്രത്തിലൂടെ ഹിന്ദി സിനിമയില്‍ തന്റെ അരങ്ങേറ്റം കുറിക്കുകയാണ് മാത്രമല്ല ഒരു ശക്തമായ വേഷത്തിലാണ് പ്രത്യക്ഷപ്പെടുന്നു. അയാന്‍ മുഖര്‍ജി സംവിധാനം ചെയ്യുന്ന ഈ ചിത്രം, യാഷ് രാജ് ഫിലിംസിന്റെ ‘ഏക് താ ടൈഗര്‍’ (2012), ‘ടൈഗര്‍ സിന്ദാ ഹേ’ (2017), ‘വാര്‍’ (2019), ‘പഠാന്‍’ (2023), ‘ടൈഗര്‍ 3’ (2023) എന്നിവയുള്‍പ്പെടുന്ന സ്‌പൈ യൂണിവേഴ്‌സിന്റെ ആറാമത്തെ ചിത്രമാണ് ‘വാര്‍ 2’.
7500-ലധികം സ്‌ക്രീനുകളില്‍ ലോകമെമ്പാടും റിലീസ് ചെയ്യാന്‍ ഒരുങ്ങുന്ന ഈ ചിത്രം ഐമാക്‌സ് പതിപ്പായും പുറത്തിറങ്ങും. ചിത്രത്തിന്റെ ടീസര്‍, ജൂനിയര്‍ എന്‍ടിആറിന്റെ 42-ാം ജന്മദിനത്തില്‍ റിലീസ് ചെയ്തിരുന്നു. ചിത്രത്തിന്റെ പ്രചാരണത്തിനായി ഹൃത്വികും എന്‍ടിആറും വെവ്വേറെ പ്രമോട്ട് ചെയ്യുമെന്നാണ് റിപ്പോര്‍ട്ടുകള്‍ ഇത് അവരുടെ ഓണ്‍-സ്‌ക്രീന്‍ ഏറ്റുമുട്ടലിന്റെ തീവ്രത നിലനിര്‍ത്താന്‍ വേണ്ടിയാണ്. ചിത്രത്തിന്റെ തെലുങ്ക് വിതരണാവകാശം 80 കോടി രൂപയ്ക്ക് സിത്താര എന്റര്‍ടെയ്ന്‍മെന്റ്‌സ് സ്വന്തമാക്കിയതും വലിയ വാര്‍ത്തയായിരുന്നു.
The post ‘ഒരുപാട് കാര്യങ്ങള്‍ പഠിക്കാനായി’; ഹൃത്വിക് റോഷനൊപ്പമുള്ള അനുഭവം പങ്കുവച്ച് ജൂനിയര്‍ എന്‍ടിആര്‍ appeared first on Express Kerala.
Now loading...
